لاہور(سپورٹس ڈیسک )جنوبی افریقہ کے سابق فاسٹ بائولر اور ٹی ٹونٹی ورلڈکپ میں پاکستان کرکٹ ٹیم کے کوچ ورنن فلینڈر نے کہاہے کہ نوجوان بائولنگ اٹیک کی کارکردگی میں تسلسل لا سکتا ہوں۔ ماہر کھلاڑیوں کے گروپ کے اتھ کام کرنے کیلئے پرجوش ہوں۔بائولنگ کوچ نے کہا کہ چیئرمین پی سی بی رمیز راجہ نے مجھے کال کی اور پاکستان ٹیم جوائن کرنے میں دلچسپی کا پوچھا، میرے لیے یہ ایک اچھا موقع تھا میں انکار نہیں کر سکتا تھا۔ محمد حسنین ٹیلنٹڈ نوجوان بائولر ہے، پاکستان کرکٹ ٹیم کے یہ نوجوان بھی اٹیکنگ کرکٹ کھیلنے کی اہلیت رکھتے ہیں۔