گوجرانوالہ(نمائندہ خصوصی) مسلم لیگ (ن) کے رہنما شیخ فیاض احمد الشیخ سی این جی والے نے کہا ہے کہ بزنس کمیونٹی کی ہمدردیاں اورتمام تر حمایت یونٹی ون یونٹی گروپ کو ہی حاصل ہے‘ تمام بزنس کمیونٹی یونٹی ون یونٹی کو ہی جوائن کررہی ہے جوں جوں الیکشن نزدیک آ رہے ہیں یونٹی ون یونٹی کی پوزیشن مضبوط ہورہی ہے۔ انہوں نے کہا کہ لو گ ان کے ماضی کے رویے کو دیکھ کر ان کا گروپ چھوڑ کر جوق در جوق یونٹی ون یونٹی کے قافلے میں شریک ہو رہے ہیں۔ ان کا ماضی صنعتکار اور تاجر برادری کے سامنے ہے کیونکہ یونٹی ون یونٹی گروپ نے ہمیشہ بزنس کمیونٹی کے حقوق کا تحفظ کیا۔ انہوں نے مزید کہا کہ گوجرانوالہ کی تاجر برادری حق اور سچ کاساتھ دے گی ۔