قصور (نمائندہ نوائے وقت) مسلم لیگ ن کے ایم این اے میاں سعد وسیم شیخ نے کہا کہ بے روزگاری کی شرح میں اضافہ کروڑوں کی تعداد میں لوگ بے روزگا ر ہوچکے ہیں مہنگائی کی شرح میں اس قدر اضافہ پاکستان بننے سے لیکر اب تک نہیں ہوا جتنا ان تین سالوں میں ہوچکا ہے لوگ بچوں سمیت خودکشیاں کررہے ہیں۔ان خیالات کا اظہار انہوں نے میڈیا سے گفتگو کرتے کیا۔ انہوں نے مذید کہا کہ اس وقت ملک میں کرائم کی شرح بھی ڈھکی چھپی نہیں ملک کا کوئی ایسا کونا نہیں جہاں پر کرائم نہیں ہورہا دو چار بارشوں میں ہی کلین گرین پاکستان،خدمت آپ کی دہلیز پر ناکام پروجیکٹ کا پول کھل گیا پور ا ضلع قصور جوہڑ کا منظر پیش کررہا تھا ۔ حکومت کا اپنا کوئی پرجیکٹ نہیں میاں نواز شریف کے پروجیکٹس پر تختیاں ضرور انہوں نے نئی لگائیں ہیں اگر جمع تفریق کریں تو پی ٹی آئی وزراء کے پاس بیان بازی کے علاوہ دکھانے کو کوئی کارکردگی نہیں ہے۔ انہوں نے کہا کہ اب تو ان کو مسلط کرنیوالے بھی پریشان ہیں مسلم لیگ(ن) ہردل کی آواز ہے پاکستانی عوام جانتے ہیں کہ جب بھی مسلم لیگ ن کی حکومت آئی ہے کاروبار وں کی رفتار تیز ہوجاتی ہے روزگار میں اضافہ ہوتا ہے ۔آنے والے الیکشن میں مسلم لیگ ن کی فتح ہوگی اور یہ ملک دوبارہ سے ترقی کی راہ پر ہوگا۔