گوجرانوالہ +گکھڑمنڈی( نمائندہ خصوصی+ نامہ نگار) کینٹ بورڈ الیکشن میں پی ٹی آئی کی شاندار کامیابی اس بات کا منہ بولتا ثبوت ہے کہ عوام وزیر اعظم و چیئرمین پاکستان تحریک انصاف عمران خاں کے مثبت ویژن عوام خوشحال کی تائید کرتے ہیںانہوںنے ووٹ کی طاقت سے کرپٹ مفاد پرست اپوزیشن کو مسترد کردیا۔ عمران خاں کی قیادت میں ہی ملک ترقی کریگا اور عوام خوشحال ہوگی انہوں نے کہا کہ عمران خاں جلد گوجرانوالہ آئیں گے اور مزیدمیگاپراجیکٹس کا اعلان کریں گے ان خیالات کا اظہار سینئر راہنما تحریک انصاف و ٹکٹ ہولڈر این اے 81چوہدری محمد صدیق مہر نے گلاب پورہ کینٹ بورڈ الیکشن جیتنے پر چوہدری ناصر حسین مہر کومبار ک با دیتے ہوئے شرکاء سے خطاب میں کیا انہوں نے کہ چوہدری ناصر حسین مہرکی جیت نے ثابت کردیا ہے کہ یہی بہتر فیصلہ تھا ۔کینٹ بورڈ کا وائس چیئرمین بھی چوہدری ناصر حسین مہر ہی ہوگا جبکہ چوہدری ناصر حسین مہر نے کہا کہ میں حلقہ عوام کا بے حد مشکور ہوں جنہوں نے مجھے اپنے قیمتی ووٹ دیکر دوسری مرتبہ کامیاب کیا ہے اب پہلے سے زیادہ حلقہ عوام سے پیار کرونگا مسائل کو حل کرنے میں پوری ترجیح دونگا۔اس موقع پر چوہدری افضال ساہی ،چوہدری راشد ملہی،امجد انصاری ، چوہدری راشد حسین مہرخالد سلیمان،ناصر مہر و دیگر نے بھی خطاب کیا ۔