لاہور(سپورٹس رپورٹر)فاسٹ بولر محمد عامر کو ڈومیسٹک سنٹرل کنٹریکٹ مل گیا جبکہ وہاب ریاض، محمد حفیظ، کامران اکمل اور عمر اکمل ڈومیسٹک سنٹرل کنٹریکٹ میں شامل نہیں ہیں۔ اے پلس کیٹیگری میں عبداللہ شفیق، خوشدل شاہ، نسیم شاہ، صہیب مقصود سمیت 10 کرکٹرز شامل ہیں۔محمد عامر، شرجیل خان، محمد وسیم جونیئر، شان مسعود سمیت 40 کرکٹرز اے کیٹیگری میں شامل ہیں۔ فاسٹ باولر محمد عامر نے پیشکش کو مسترد کردیا ہے۔پی سی بی نے ڈومیسٹک سیزن 22-2021 کیلئے  191 کھلاڑیوں کیلئے کنٹریکٹس کا اعلان کیا ہے۔ اے پلس کٹیگری میں  10 کھلاڑیوں کی ماہوار تنخواہ اب اڑھائی لاکھ روپے ہوگئی ہے۔ اے کٹیگری میں شامل 40 کھلاڑی ماہوار ایک لاکھ 85 ہزار روپے ملیں گے۔ بی کٹیگری میں 40 کھلاڑی یک لاکھ 75 ہزار روپے ، سی کٹیگری میں 64 کھلاڑی  1لاکھ 65 ہزار روپے اور ڈی کٹیگری میں 37 کھلاڑی  ایک لاکھ 40 ہزار روپے ماہوار وصول کریں گے۔ اے پلس کٹیگری کے کرکٹرز سالانہ تقریباً پانچ ملین روپے اور کٹیگری ڈی میں کھلاڑی  3.75 ملین روپے تک کمائیں گے۔