لاہور (نامہ نگار) لاہور کے مختلف علاقوں میںڈاکوئوںاور چوروںنے وارداتوں کے دوران متعدد شہریوں سے لاکھوں روپے مالیت کی نقدی، طلائی زیورات، موبائل فون، گاڑیاں، موٹر سائیکلیں اور دیگر سامان لوٹ لیا ہے۔ ڈاکوؤں نے رائیونڈ سٹی کے علاقے میں عارف کے گھر  سے5 لاکھ 49 ہزار روپے مالیت کی نقدی، طلائی زیورات، موبائل فون اور دیگر سامان، ماڈل ٹاؤن  میں شہریار بٹ سے  ساڑھے4 لاکھ روپے نقدی اور تین موبائل فون، مرغزار کالونی میں منیر کے گھر سے 3لاکھ روپے  نقدی، طلائی زیورات،موبائل فون اور دیگر سامان، ہلوکی میں شہباز سے  2 لاکھ 24 ہزار روپے نقدی، موبائل فون اور موٹر سائیکل جبکہ کاہنہ میں محمد اظہر سے ایک لاکھ 87 ہزار روپے نقدی  ،کوٹ لکھپت  میں قمر خان سے ایک لاکھ 47 ہزار روپے نقدی، اسلام پورہ بنک سے پیسے نکلوا کر نکلنے والی زیبا بٹ سے ایک لاکھ 35 ہزار روپے نقدی اور موبائل فون، باغبانپورہ  میں آصف سے 55 ہزار روپے اور موبائل فون، شاہدرہ  میں عمران  سے 45 ہزار روپے نقدی موبائل فون اور موٹر سائیکل، نواب ٹاؤن  میں حیدر علی سے 50 ہزار روپے نقدی، غازی آباد میں حافظ محمد عمر سلیم سے  45 ہزار روپے نقدی، ریس کورس کے علاقے میں انجم حسین سے 25 ہزار روپے اور موبائل فون،مصری شاہ  میں فوزیہ سے 41 ہزار روپے نقدی ،شفیق آباد  میں اشرف خان سے 20 ہزار روپے اور موبائل فون،اقبال ٹاؤن  میں کاشان بلا سے 16ہزار روپے نقدی اور موبائل فون،فیصل ٹاؤن  میں محمد عمار سے 14 ہزار روپے ، اقبال ٹاؤن میں عامر مسعود چیمہ سے10ہزار روپے نقدی اور موبائل فون لوٹ لیا ہے ۔ چوروں نے وحدت کالونی  میں ہاشم کے گھر سے 32 لاکھ 35 ہزار روپے مالیت کی نقدی، طلائی زیورات،موبائل فون اور دیگر سامان چوری کرلیاہے ۔متاثرہ شہری ہاشم کا کہنا ہے کہ اس کی بھانجی کی اگلے ماہ شادی تھی وہ  بازار گئے تھے کہ چور گھر سے جہیز کا سارا سامان چوری کر کے فرار ہو گئے ہیں۔چوروں نے مسلم ٹاؤن اور گلبرک کے علاقوں سے 2 کاریں،شفیق آباد نشتر کالونی ہنجروال ،نواب ٹاؤن کے علاقوںسے 4 رکشے جبکہ نیو انارکلی ،قائد اعظم انڈسٹریل اسٹیٹ ،شفیق آباد،بادامی باغ ،بھاٹی گیٹ ،لوئر مال ،شاہدرہ ،شیراکوٹ ،گارڈن ٹاؤن ،کاہنہ ،کوٹ لکھپت ، جنوبی چھاؤنی ،ریس کورس ،لٹن روڈ ،رائیونڈ سٹی کے علاقوں میں سے15موٹر سائیکلیں چوری کر لیں۔