لاہور (سپورٹس رپورٹر)سکس ریڈ سنوکر ورلڈکپ قطر کے شہر دوحہ میں شروع ہوگیا، پہلے روز پاکستان کے دونوں کیوئسٹس بابر مسیح اور حارث طاہر نے اپنے اپنے میچز جیت لیے۔دوحہ میں سکس ریڈ سنوکر ورلڈکپ کے پہلے روز پاکستان کے بابر مسیح نے بھارت کے اشپریت سنگھ چڈا کو ایک فریم جیتنے کا بھی موقع نہیں دیا اور 0-5 سے کامیابی حاصل کی۔ بابر کی جیت کا سکور 27-32، 23-30، 6-55، 7-57 اور 9-56 رہا۔ پاکستان کے حارث طاہر نے اومان کے حسین الاواتی کو 2-5 سے ہرایا۔ حارث طاہر نے ابتدائی 2 فریمز جیت کر برتری حاصل کی تاہم الاواتی نے تیسرا اور چوتھا فریم جیت کر مقابلہ برابر کردیا مگر اس کے بعد پاکستانی کیوئسٹ نے مسلسل 3 فریمز جیت کر مقابلہ 2-5 سے اپنے نام کرکے سکس ریڈ سنوکر ورلڈکپ میں کامیابی کے ساتھ آغاز کیا۔