لاہور(سپورٹس رپورٹر)ایشین والی بال چیمپئن شپ میں پاکستان نے جنوبی کوریا کو تین صفر سے شکست دیدی۔چار مرتبہ کی سابق ایشین چیمپئن ٹیم ٹاپ آٹھ کے آخری کلاسیفکیشن میچ میں پاکستان سے آوٹ کلاس رہی۔فتح کے باوجود پاکستان ٹاپ چار تک رسائی نہ حاصل کر سکا، قومی ٹیم پانچویں سے آٹھویں پوزیشن کے میچز کھیلے گی۔ جنوبی کوریا کیخلاف پاکستان والی بال ٹیم نے پچیس- تئیس، پچیس- بائیس اور پچیس- چودہ سے کامیابی حاصل کی۔واضح رہے کہ ایشیئن والی بال چیمپئن شپ جاپان کے شہر چیبا میں کھیلی جارہی ہے جبکہ پاکستان ٹیم کی موجودہ رینکنگ 48 اور جنوبی کوریا کی 21 ہے۔