لاہور(نامہ نگار)سی سی پی او لاہور ایڈیشنل آئی جی غلام محمود ڈوگر نے کہا ہے کہ لاہور کے تمام تھانوں میں تعینات پولیس کمیونٹی گائیڈز پوری فورس کیلئے رول ماڈل اور تھانہ کلچر میں مثبت انقلاب کا پیش خیمہ ہیں۔کمیونٹی گائیڈز عوام دوست پولیسنگ کے تحت سائلین کی بھرپور رہنمائی،داد رسی اورمعاونت یقینی بنائیں۔ابابیل سکواڈ گنجان آبادیوں،کرائم ہاٹ سپاٹ علاقوں میں پٹرولنگ اور ناکہ بندی کے ذریعے جرائم پیشہ عناصر کی سرکوبی میں موثر کردار ادا کرے۔ان خیالات کا اظہار انہوں نے ڈسٹرکٹ پولیس لائنز قلعہ گجر سنگھ میں لاہور کے تمام پولیس سٹیشنز میں تعینات کمیونٹی گائیڈز اور ابابیل سکواڈ کے جوانوں کیساتھ مشترکہ نشست کے دوران کہی۔ایس پی ہیڈ کوارٹرز عمران احمد ملک و دیگر سینئر پولیس افسران اس موقع پر موجود تھے۔سی سی پی او غلام محمود ڈوگر نے کمیونٹی گائیڈز کو سروس ڈیلیوری میں بہتری لانے کیلئے پندرہ دن کی مہلت دی اور کہا کہ کمیونٹی گائیڈ شہریوں کیلئے امید کی روش کرن ہیں۔کمیونٹی گائیڈز نے تجربات اور احساسات سے آگاہ کیا۔