لاہور (نامہ نگار)سی ٹی ڈی نے لاہور کے علاقے موہلنوال میں انٹیلی جنس بیسڈ آپریشن کے دوران کالعدم تنظیم کے چار دہشت گردوں کو گرفتار کر کے دھماکہ خیز مواد برآمد کرلیا ہے۔ تفصیلات کے مطابق سی ٹی ڈی ٹیم لاہور کو خفیہ اطلاع موصول ہوئی کہ موہلنوال روڈ پر گرین فورٹس کے قریب کالعدم تنظیم القاعدہ کے ارکان موجود ہیں۔ جس پر وہاں چھاپہ مارکر چار دہشت گردوں محمد مشتاق، سمیع اللہ، عادل جمال اور اسامہ خالدکو گرفتار کرلیا گیا۔ یہ دہشت گرد لاہور میں قانون نافذ کرنے والے اداروں پر حملے نے کی منصوبہ بندی کر رہے تھے۔ دہشت گردوں کے قبضے سے دیسی ساختہ بم ڈیوائس، ڈیٹونیٹر اوردھماکہ خیز موادبرآمد ہوا ہے۔ تھانہ سی ٹی ڈی لاہور میں مقدمہ درج کرکے ملزمان سے تحقیقات شروع کردی گئی ہیں۔