لاہور +اسلام آباد(سپورٹس رپورٹر+خبر نگار خصوصی )چیف آف نیول سٹاف ہاکی ٹورنامنٹ کراچی میں شروع ہوگیا، جس میں ٹاپ آٹھ ٹیمیں شرکت کررہی ہیں۔ عبدالستارایدھی ہاکی سٹیڈیم میں ٹورنامنٹ کی افتتاحی تقریب ہوئی ٹیموں نے مارچ پارسٹ کیا۔گورنر سندھ عمران اسمٰعیل کا کہنا ہے کہ ہاکی کے ادارے کام نہیں کریں گے تو فورسز کو ایونٹ کرانے کیلئے میدان میں آنا پڑتا ہے۔کموڈور کاشف منیر پیٹرن نیوی ہاکی کا کہنا تھا کہ نیوی کھیلوں کے میدان میں ہمیشہ پیش پیش رہی ہے۔افتتاحی تقریب کے مہمان خصوصی گورنر سندھ عمران اسمٰعیل کا کہنا تھا کہ فورسز کا کام کھیلوں کے ایونٹ کروانا نہیں ہے لیکن جب ادارے کام نہیں کریں گے تو انہیں آگے بڑھ کر کام کرنا پڑتا ہے۔افتتاحی میچ میں نیوی نے پنجاب کو صفر کے مقابلے میں تین گول سے شکست دیدی۔ٹورنامنٹ میں نیشنل بینک اعزاز کا دفاع کر رہی ہے۔