لاہور(سپورٹس رپورٹر) پاکستان کرکٹ بورڈ کے زیر اہتمام نیشنل ٹی ٹونٹی کپ کے افتتاحی میچ میںناردرن نے بلوچستان کو 6وکٹوں سے شکست دیدی ۔ ناردرن ٹیم کے کپتان شاداب خان نے ٹاس جیت کر فیلڈنگ کا فیصلہ کیا ۔ بلوچستان ٹیم نے 7وکٹوں کے نقصان پر 139رنز بنائے ۔ کپتان امام الحق چھ ‘عبدل بنگلزئی چوبیس ‘بسم اللہ خان دس ‘اکبر الرحمان چوبیس ‘ایاز تصور چار‘عماد بٹ چونتیس ‘کاشف بھٹی چوبیس رنز بناکر آئوٹ ہوئے ۔ حارث رئوف اور محمدنواز نے دو دو ‘سہیل تنویر اور زمان خان نے ایک ایک وکٹ حاصل کی ۔ ناردرن نے ہدف 17اوورز میں چاروکٹوں پر پوراکرلیا ۔ مین آف دی میچ حیدر علی نے 41گیندوں پر 58رنز کی ناقابل شکست اننگز کھیلی ۔ انہوں نے سات چوکے اور دو چھکے لگائے ۔ عمرامین دو ‘ذیشان ملک انیس ‘کپتان شاداب خان دس ‘روحیل نذیر چھ رنزبناکر آئوٹ ہوئے ۔ آصف علی 20گیندوں پر 43رنز بناکر ناٹ آئوٹ رہے ۔ انہوں نے چار چھکے اور تین چوکے لگائے ۔ عاکف جاوید‘عمادبٹ ‘یاسر شاہ اور کاشف بھٹی نے ایک ایک وکٹ حاصل کی ۔ زمان خان نے فرسٹ کلاس میں ٹی ٹونٹی ڈیبیو کیا ۔ دوسرے میچ میں خیبر پی کے سنٹرل پنجاب کو 36رنز سے شکست دیدی۔ فاتح ٹیم نے 5وکٹوںپر 187رنز بنائے۔ کپتان محمد رضوان ن ے 65اور افتخار احمد نے40ناٹ آئوٹ رنز بنائے ۔ حسن علی نے تین کھلاڑیوں کو آئوٹ کیا ۔ سنٹرل پنجاب کی ٹیم 9وکٹوں پر 151رنز بناسکی ۔ محمد اخلاق نے 62اور کپتان بابر اعظم نے 29رنز بنائے ۔ شاہین شاہ آفریدی نے تین ‘عمران خان اور ارشد اقبال نے دو دو کھلاڑیوں کو آئوٹ کیا ۔ محمد رضوان کو میچ کا بہترین کھلاڑی قرار دیا گیا ۔