لاہور(سپورٹس رپورٹر)ڈائریکٹر جنرل سپورٹس پنجاب عدنان ارشد اولکھ کی سربراہی میں بین الصوبائی اتھلیٹکس ٹورنامنٹ میں شرکت کرنے کیلئے پنجاب کا دستہ لاہور سے پشاورپہنچ گئی ہے،پنجاب کے دستے میں 42 گرلز، بوائز کھلاڑی اور آفیشلز شامل ہیں،بین الصوبائی اتھلیٹکس ٹورنامنٹ 27سے 29 ستمبر تک پشاور میں ہورہا ہے جس میں تمام صوبوں کی ٹیمیں شرکت کر رہی ہیں۔ ڈائریکٹرجنرل سپورٹس پنجاب عدنان ارشدا ولکھ نے کہا ہے کہ پنجاب کی گرلز اور بوائز ٹیموں کو میرٹ پر ٹرائلز کر کے منتخب کیا گیا ہے،کھلاڑیوں کو ایک ہفتہ کے ٹریننگ کیمپ میں بھرپور تربیت دی گئی ہے،کیمپ میں کھلاڑیوں کا ہرممکن سہولیات مہیا کی گئیں،امید ہے کھلاڑی بہترین کارکردگی کا مظاہرہ کریں گے اور ٹورنامنٹ جیت کر آئیں گے، پنجاب کے دستے میں ڈائریکٹر سپورٹس محمد حفیظ بھٹی ڈویڑنل سپورٹس آفیسران طارق نذیر اور محمد وحید بابر بھی شریک ہیں۔