شازب اعوان پنجاب ٹیچرز یونین گوجرانوالہ کے صدر،ماجد خان جنرل سیکرٹری منتخب
گوجرانوالہ (نمائندہ خصوصی)محمد شازب اعوان پنجاب ٹیچرز یونین گوجرانوالہ کے ضلعی صدر اور ماجد خان جنرل سیکرٹری منتخب ہو گئے ۔ تفصیلات کے مطابق اساتذہ کرام کے حقوق کے تحفظ اور انکے مسائل کے حل کیلئے پنجاب ٹیچرز یونین کے مرکزی صدر وحید مراد یوسفی نے ضلعی عہدیداران کا نوٹیفکیشن جاری کر دیا، جس کے مطابق محمد شازب اعوان ضلعی صدر اور ماجد خان جنرل سیکرٹری ، جبکہ سینئر نائب صدر قیصر عباس، نائب صدر شیراز نواز، ایڈیشنل جنرل سیکرٹری شہباز غلام نبی، جوائنٹ سیکرٹری محمد ابوبکر، سیکرٹری فنانس انس اقبال، سیکرٹری انفارمیشن احمد سعید اور ایڈیشنل سیکرٹری انفارمیشن ساجد منیر ہونگے۔
