شیخوپورہ: تیز رفتار مسافر بس الٹ گئی، 3افراد جاں بحق، 40 زخمی
شیخوپورہ+ فیروزوالہ+ جوئیانوالہ+ جنڈیالہ شیر خان+ جھبراں (نمائندہ نوائے وقت+ نمائندہ خصوصی+ نامہ نگاران) مریدکے روڈ پر سیکھم پٹرولنگ پوسٹ کے قریب تیز رفتار مسافر بس بے قابو ہو کر الٹ گئی جس کے نتیجہ میں بس میں سوار تین افرار موقع پر دم توڑ گئے جبکہ 40 مسافر زخمی ہوگئے۔ بتایا گیا ہے کہ حادثہ کا شکار ہونے والی بس شیخوپورہ سے مریدکے جارہی تھی جو آگے جانے والی موٹر سائیکل کو اوور ٹیک کرتے ہوئے بے قابو ہو کر الٹ گئی ریسکیو اہلکاروں نے جاں بحق ہونیوالوں کی نعشوں کو سرد خانے اور زخمیوں کو ڈی ایچ کیو ہسپتال منتقل کر دیا جبکہ دیگر شدید زخمیوں کو ٹراما سنٹر میں طبی امدا د دی جارہی ہے۔
