دینہ (نامہ نگار) دینہ میں لڈو گیم پر لگی بوتل نہ پلانے پر 2 نوجوان آپس میں لڑ پڑے۔ ایک نے فائرنگ کر کے دوسرے کو مار ڈالا۔ گزشتہ رات کیانی سٹریٹ دینہ میں 2نو جوانوں حسنین عرف مٹھو اور محمد صادق مغل نے آپس میں لڈو گیم کی شرط لگا رکھی تھی کہ جو ہارے گا وہ اسے بوتل پلائے گا جس پر ایک نوجوان حسنین گیم ہار گیا اور بوتل نہ پلانے پر  آپس میں لڑ پڑے اور حسنین نے نوجوان صادق مغل پر فائر کھول دیا۔ پولس نے اطلاع پر نعش کو قبضہ میں لے کر پوسٹ مارٹم کے بعد ورثاء کے حوالے کر  دیا۔