لاہور(سپورٹس رپورٹر)قومی ٹی 20کپ کے 9ویں میچ میں سندھ نے شاہنواز دھانی کی شاندار باؤلنگ کی بدولت بلوچستان کو77رنز سے مات دیدی۔راولپنڈی کرکٹ سٹیڈیم میں سندھ کی ٹیم نے 4وکٹوں   پر 175رنز بنائے،کپتان سرفراز احمد نے 41رنز بنائے ۔ شرجیل خان 34،سعود شکیل32 اور شان مسعود 31رنز بنا کرنمایاں رہے۔176رنز کے ہدف کے تعاقب شکست خوردہ ٹیم 16اعشاریہ 4اوورز میں صرف 98سکور بناکر پویلین لوٹ گئی،بنگلزئی29 اور کپتان امام الحق 19سکور بناکر نمایاں رہے۔شاہنواز دھانی نے 4 کھلاڑیوں کا شکار کیا جبکہ زاہد محمود3اور دانش عزیز 2وکٹیں حاصل کرنے میں کامیاب رہے۔دوسرے میچ میں ناردرن نے سدرن پنجاب کی ٹیم کو5وکٹوں سے شکست دیدی ۔ ناردرن نے ٹاس جیت کر فیلڈنگ کا فیصلہ کیا ۔ سدرن پنجاب نے 6وکٹوں پر 175رنز بنائے ۔ کپتان صہیب مقصود نے 75رنز کی اننگز کھیلی ۔ محمد موسیٰ نے تین کھلاڑیوں کو آئوٹ کیا۔ ناردرن ن نے ہدف آخری اوور میں 5وکٹوںپرپورا کر لیا۔ محمد نواز نے 56‘حیدرعلی نے 40اور کپتان شاداب خان نے 30رنز بنائے ۔ محمد نواز کو میچ کا بہترین کھلاڑی قرار دیا گیا ۔