لاہور(سٹی رپورٹر) لاہور ویسٹ مینجمنٹ کمپنی کی جانب سے نیشنل ٹی 20سیریز کیلئے قذافی سٹیڈیم انکلوژر کی صفائی کا پلان مرتب کر لیا گیا ‘  3واٹر بوذرز، 3مکینیکل سویپرز، 5منی ڈمپرز اور ایک کمپیکٹر سٹیڈیم کی واشنگ اور سویپنگ میں استعمال کیے جا رہے ہیں۔ تمام ٹاؤن منیجرزسٹیڈیم کی واشنگ، نشستوں کی ڈسٹنگ اور واش رومز کی صفائی کویقینی بنانے کیلئے عملے کی کارکردگی کو مانیٹر کریں گے۔ پلان کے مطابق 125 سینٹریورکرز، 11 سپروائزر اور 6 آفیسرز سٹیڈیم کی بیرونی اور اندرونی صفائی کیلئے تعینات رہیں گے۔آپریشن مینیجرز سٹیڈیم میں موجود رہ کر معاملات کو خود مانیٹرنگ کریں گے۔ہر انکلوژر میں 4مرد سینٹری ورکر،1خاتون سینٹری ورکر اور ایک سینٹری سپر وائز موجود رہیں گے۔ تمام منیجرزسٹیڈیم کے اطراف پارکنگ میں بھی صفائی ستھرائی اور واشنگ کو یقینی بنائیں گے۔ صفائی کی بہترین صورت حال کیلئے تمام موجودہ وسائل استعمال کیے جائیں۔