لاہور(سپورٹس رپورٹر) راولپنڈی میں جاری نیشنل ٹی ٹونٹی کپ میں خیبر پی کے نے بلوچستان کو 55رنز سے شکست دیدی۔  خیبرپی کے ٹیم نے 5وکٹوں  پر202رنز بنائے ۔ کپتان محمد رضوان چالیس ‘صاحبزادہ فرحان تینتالیس  رنز بناکر آئوٹ ہوئے ۔ کاشف بھٹی نے دو ‘خرم شہزاد ‘جنید خان ‘عماد بٹ نے ایک ایک وکٹ حاصل کی ۔  بلوچستان کی ٹیم 9وکٹوں پر147رنز بناسکی ۔ سہیل اختر 61رنز پر ناٹ آئوٹ رہے ۔ ارشد اقبال ‘آصف آفریدی نے تین تین ‘شاہین شاہ آفریدی نے دو کھلاڑیوں کو آئوٹ کیا ۔ آصف آفریدی کو میچ کابہترین کھلاڑقرار دیا گیا ۔ سنٹرل پنجاب نے سندھ کو ڈی ایل میتھڈ کے تحت 12رنز سے ہر ادیا۔ سنٹرل پنجاب نے 8وکٹوں پر168رنز بنائے ۔مین آف دی میچ شعیب ملک نے ناقابل شکست 85رنز بنائے ۔ رومان رئیس نے چار ‘ابرار احمد نے تین کھلاڑیوں کو آئوٹ کیا ۔ سندھ نے 14.4اوورز میں چھ وکٹوں پر 110رنز بنائے تھے کہ بارش شروع ہوگئی ۔ شرجیل خان نے 36رنز بنائے۔ میچ مکمل نہ ہونے پر سنٹرل پنجاب کو فاتح قرار دیا گیا ۔