شمالی وزیرستان ،دہشت گردوں کی چوکی پر حملہ،جوان شہید ،بھرپور جواب
اسلام آباد (خبر نگار خصوصی) شمالی وزیرستان میں دہشتگردوں نے علاقہ گھریوم میں سکیورٹی فورسز کی چوکی کو نشانہ بنایا۔ جس کے نتیجے میں پاک فوج کا 30 سالہ جوان شہید ہو گیا۔ پاک فوج کے شعبہ تعلقات عامہ (آئی ایس پی آر) کے مطابق شمالی وزیرستان میں دہشتگردوں نے فورسز کی چوکی پر حملہ کیا۔ جس پر پاک فوج نے بھرپور جواب دیا۔ تاہم فائرنگ کے تبادلے میں پاک فوج کا ایک جوان 30 سالہ سپاہی عامر اقبال شہید ہو گیا۔ آئی ایس پی آر کے مطابق علاقے سے دہشت گردوں کے خاتمے کیلئے کلیئرنس آپریشن جاری ہے۔
