کراچی (نوائے وقت رپورٹ) سندھ حکومت اور آئی جی کے درمیان ایک بار پھر تنازعہ شروع ہوگیا۔ تنازعہ وزیراعلیٰ کے پی ایس او فرخ بشیر کی ترقی نہ ہونے پر مرادعلی شاہ کو بتایا گیا ہے کہ فرخ بشیر کی ترقی نہ ہونے کے ذمہ دار آئی جی سندھ ہیں۔ وزیراعلیٰ نے چیف سیکرٹری کو ہدایت کی ہے کہ آئی جی سندھ کو اظہار ناپسندیدگی کا خط لکھا جائے۔ اس بار صرف تین افسروں کی ترقی کی منظوری دی گئی جن میں مقدس حیدر، عبدالسلام شیخ اور حمید کھوسہ شامل ہیں۔ جن کی ترقی نہ ہوسکی ان میں فرخ بشیر، فیصل بشیر، رائے اعجاز اور فاروق احمد شامل ہیں۔