لاہور (سپورٹس رپورٹر)کراچی میں جاری 46ویں قومی سنوکر چیمپئن شپ کے چھٹے روز حارث طاہر اور ندیم گل نے سنچری بریکس کھیلے۔ محمد اعجاز نے گروپ ای میں پہلی پوزیشن حاصل کرلی۔ندیم گل نے عبدالجاوید کو 2-4 سے شکست دیدی، چوتھے فریم میں ندیم نے سنچری بریک بھی کھیلا۔ حارث طاہر نے 110 کی بریک کھیلتے ہوئے سلطان محمد کو 0-4 سے شکست دی۔ اور اگلے راؤنڈ میں اپنی جگہ پکی کرلی۔محمد اعجاز نے شیخ محمد مزمل کو 0-4 سے ہراکر گروپ ای میں پہلی پوزیشن حاصل کرلی۔اسجد اقبال نے بھی اپنا میچ جیت لیا جبکہ ذوالفقار قادر نے حمزہ الیاس کو شکست دی۔