لاہور(سپورٹس رپورٹر)پاکستان شاہینز کے کپتان سعود شکیل نے کہا ہے کہ دورہ سری لنکا کے لیے اچھا سکواڈ منتخب کیا گیا ہے، سری لنکا میں شاہینز ٹیم اچھا کھیل پیش کریگی۔ پاکستان شاہینز کا دورہ سری لنکا تمام پلیئرز کے لیے بڑا موقع ہے، پلیئرز کے پاس موقع ہے کہ پرفارم کر کے قومی ٹیم میں جگہ بنائیں۔واضح رہے کہ کچھ دن قبل دورہ سری لنکا کے لیے پاکستان شاہینز کے سکواڈ کا اعلان کیا گیا تھا، 19 رکنی دستے کی قیادت سعود شکیل کررہے ہیں، دیگر کھلاڑیوں میں حیدر علی، عبداللہ شفیق، ابرار احمد، عباس آفریدی، احمد صفی عبداللہ، عاکف جاوید، ارشد اقبال، عرفان اللہ شاہ، کامران غلام اور خرم شہزاد سکواڈ میں شامل ہیں۔