لاہور(سپورٹس رپورٹر)انٹرنیشنل کرکٹ کونسل نے ٹی ٹونٹی ورلڈ کپ کیلئے امپائرز اور ریفریز پینل کا اعلان کر دیا ہے، 16 رکنی امپائرنگ پینل میں پاکستان سے علیم ڈار اور احسن رضا شامل ہیں۔ٹی ٹونٹی ورلڈ کپ میں چار میچ ریفریز اور 16 امپائرز میچز سپروائز کریں گے، ہر میچ میں نیوٹرل امپائرز کا تقرر ہوگا، امپائرز میں پاکستان سے احسن رضا اور علیم ڈار کو بھی شامل کیا گیا ہے۔علیم ڈار چھٹی مرتبہ ٹی ٹونٹی ورلڈ کپ میں امپائرنگ کے فرائض انجام دیں گے، میچ ریفریز کے پینل میں پاکستان سے کوئی نام شامل نہیں کیا گیا ہے، آئی سی سی نے ساتھ ہی ابتدائی راونڈز کے میچز میں بھی امپائرنگ کی تقرری کردی ہے۔چوبیس اکتوبر کو ہونیوالے پاکستان بھارت میچ میں جنوبی افریقہ کے ماری ایرامس اور نیوزی لینڈ کے کرس گفانے آن فیلڈ امپائر ہوں گے، رچرڈ النگورتھ ٹی وی امپائر جبکہ پاول ریفل فورتھ امپائر مقرر کیے گئے ہیں، ڈیوڈ بون اس میچ کے ریفری نامزد ہوئے ہیں۔ ڈیوڈبون، جیف کرو، رنجن مدوگالے اور سری ناتھ میچ ریفری ہوں گے۔علیم ڈار، ایرسمس اور روڈٹکر کا یہ چھٹا آئی سی سی ایونٹ ہوگا۔