امریکی کھلاڑیوں کی میڈیکل بلوں میں ہیرا پھیری‘18گرفتار
لاہور (سپورٹس ڈیسک )بھاری معاوضہ ملنے کے باوجود امریکی کھلاڑیوں کی میڈیکل بلوں میں ہیرا پھیری، دو نمبری پکڑے جانے پر امریکی نیشنل باسکٹ بال کے 18 سابق کھلاڑی گرفتار کر لیے گئے۔ہیلتھ کیئر سکینڈل میں ملوث کھلاڑیوں پر الزام ہے کہ انہوں نے جعلی میڈیکل بلوں کے ذریعے 4 ملین ڈالر کی کرپشن کی۔تحقیقات میں یہ دلچسپ بات بھی سامنے آئی کہ ایک کھلاڑی نے ملک میں دانت نکلوانے کی جو تاریخ بتائی، اس وقت وہ میچ کھیلنے بیرونِ ملک گئے ہوئے تھے۔
