زکریا یونیورسٹی کا سلیکشن بورڈ اجلاس،155امیدواروں کے انٹرویوز
ملتان(خصوصی رپورٹر) زکریا یونیورسٹی کا دو روزہ سلیکشن بورڈ اجلاس شروع ہوگیا اجلاس کی صدارت وائس چانسلر پروفیسر ڈاکٹر منصورا کبر کنڈی نے کی اجلاس میں مختلف شعبوں کیلئے اساتذہ کے انٹرویو ہوئے پہلے روز رات گئے تک 155امیدواروں اجلاس میں پیش ہوئے فارماکالوجی میں ڈاکٹر امبرین علیم، ڈاکٹر فاطمہ ثاقب اور ڈاکٹر وسیم اشر ف کواسٹنٹ پروفیسر بنانے کی سفارش کی گئی فارماپریکٹس میں ڈاکٹر رئیس الرحمان کواسٹنٹ پروفیسر بنادیا گیا، فارما سوٹیک میں انٹرنل امیدوار عبدالمجید پر ڈیرہ اسماعیل خان سے تعلق رکھنے والے ڈاکٹر عامر جلیل کو فوقیت دی گئی اور ان کی تعینات کی سفارش کی گئی سلیکشن بورڈ آج بھی جاری رہے گا۔
