کراچی (آئی این پی) پاکستان پیپلزپارٹی کی رہنما اور رکن سندھ اسمبلی شرمیلا فاروقی کے والد انتقال کر گئے۔ گزشتہ روز سماجی رابطے کی ویب سائٹ ٹوئٹر  پر  شرمیلا فاروقی نے بتایا کہ میرے والد محمد عثمان فاروقی کا انتقال  ہوگیا۔  انہوں  نے اپنے والد سے محبت کا اظہار کرتے ہوئے کہا کہ آپ ہمیشہ میرے ساتھ رہیں گے۔ عثمان فاروقی سابق  چیئرمین پاکستان سٹیل بھی رہ چکے ہیں۔  وزیراعلیٰ  سندھ سید مراد علی شاہ اور وزیر اطلاعات و محنت سندھ سعید غنی نے ایم پی اے شرمیلا فاروقی کے والد عثمان فاروقی کے انتقال پر گہرے دکھ اور افسوس کا اظہار کیا۔  سید مراد علی شاہ نے مرحوم عثمان فاروقی کی مغفرت اور بلند درجات کیلئے دعا کی۔