کراچی (نیٹ ڈیسک) پاکستانی روپے کی قدر میں کمی کے بعد ڈالر ملکی تاریخ کی بلند ترین سطح پر پہنچ گیا۔ انٹربنک میں ڈالر 30 پیسے مہنگا ہوا ہے۔ اسی طرح اوپن مارکیٹ میں ڈالر کا بھاؤ 60 پیسے بڑھ کر 171 روپے 60 پیسے ہے۔ ادھر ملک میں ایک تولہ سونا ایک لاکھ 16 ہزار روپے ہوگیا ہے۔ سندھ صرافہ بازار جیولرز ایسوسی ایشن کے مطابق ایک تولہ سونے کی قیمت میں 750 روپے اضافہ ہوا ہے۔ صرافہ ایسوسی ایشن کے مطابق 10 گرام سونے کی قدر 643 روپے اضافے سے 99 ہزار 451 روپے ہے۔