لاہور(خصوصی نامہ نگار)قومی ہیرو، سابق چیف سلیکٹرڈ، ٹیسٹ کرکٹر عبدالقادر (مرحوم) کی پاکستان کیلئے خدمات کو خراج عقیدت  پیش کرنے کیلئے منہاج یونیورسٹی لاہور میں آج تقریب ہو گی۔تقریب میں غیر ملکی اورپاکستان  کے نامور کرکٹراور دیگر کھیلوں سے وابستہ اہم کھلاڑی عبد القادر(مرحوم) کو خراج عقیدت پیش کریں گے ۔سابق چیئرمین پی سی بی خالد محمود،ٹیسٹ کرکٹرمشتاق احمد،عامر سہیل،سلمان بٹ ودیگر بھی اظہار خیال کرینگے۔ ،اظہر زیدی ،ہاکی پلیئر منظور جونیئرسمیت کھیلوں سے وابستہ اہم شخصیات تقریب میں شرکت کریں گی۔ڈپٹی چیئرمین بورڈ آف گورنرز منہاج یونیورسٹی ڈاکٹر حسین محی الدین قادری،وائس چانسلر ڈاکٹر ساجد محمود شہزاد تقریب میں خصوصی شرکت کریں گے۔عبدالقادر(مرحوم) کے بیٹے سلمان قادراور ان کی فیملی کے دیگر ممبران بھی تقریب میں شریک ہونگے ۔