لاہور(سپورٹس رپورٹر)انٹرنیشنل کرکٹ کونسل ٹی ٹونٹی ورلڈ کپ میں شرکت کیلئے افغانستان کرکٹ ٹیم دبئی پہنچ گئی۔افغانستان کرکٹ ٹیم دوحہ میں 6 روز قیام کے بعد دبئی پہنچی ہے، دوحہ میں افغان ٹیم نے قرنطینہ کے دوران ٹریننگ بھی کی۔افغان کرکٹ ٹیم ورلڈ کپ کا آغاز جنوبی افریقہ کیخلاف میچ سے کریگی، دونوں ٹیمیں 18 اکتوبر کو وارم اپ میچ میں مدمقابل ہوں گی۔ زمبابوے کرکٹ ٹیم کے سابق کپتان اینڈی فلاور کو افغانستان کرکٹ ٹیم کا کنسلٹنٹ مقرر کیا گیا ہے۔