فیصل آباد (نمائندہ خصوصی)  پی ڈی ایم  آج فیصل آباد میں اپنی طاقت کا مظاہرہ کرے گی۔ اقبال پارک دھوبی گاٹ گراؤنڈ جلسہ گاہ میں انتظامات کا سلسلہ تیزی سے جاری ہے۔  پی ڈی ایم کے جلسہ کی تیاریاں عروج پر پہنچ گئی ہیں۔  کارکنان کی بڑی تعداد جلسہ گاہ میں انتظامات کرنے میں مصروف رہی ہے جبکہ مسلم لیگ نون  کی مقامی قیادت انتظامات کی نگرانی کر رہی ہے۔ جلسہ آج رات 8 بجے شروع ہوگا۔ جلسہ سے مسلم لیگ نون کی کی مرکزی نائب صدر مریم نواز نواز سمیت دیگر مذہبی جماعتوں کے قائدین خطاب کریں گے۔ ذرائع کے مطابق مسلم لیگ کے مرکزی صدر شہباز شریف کی جلسہ میں شمولیت کی بھی توقع کی جا رہی ہے۔ ضلعی انتظامیہ نے بھی کووڈ 19 کے سلسلہ میں ایس او پیز پر عمل درآمد کے لئے لیے مسلم لیگ نون کی مقامی قیادت سے مشاورت  شروع کر دی  ہے اور جلسہ کی سکیورٹی کے لیے  سخت اقدامات کیے جا رہے ہیں۔