لاہور(سپورٹس رپورٹر) پنجاب یوتھ انٹر ڈویڑنل باکسنگ چمپئن شپ 20 اکتوبر سے فیصل آباد میں شروع ہوگی، پنجاب باکسنگ فیڈریشن کے جنرل سیکرٹری ناصر اعجاز تنگ نے بتایا کہ پنجاب بھر سے مرد اور خواتین کی نو، نو ٹیمیں حصہ لے رہی ہیں۔ پانچ خواتین کی ویٹ کیٹیگریز اور مردوں کے 13 کیٹیگریز کے مقابلے رکھے گئے ہیں مردوں میں کوئی بھی کھلاڑی آٹھ کیٹگریز میں جبکہ میزبان ٹیم کے کھلاڑی دس کیٹیگریز میں شرکت کر سکتے ہیں۔چیمپئن شپ 22 اکتوبر تک جاری رہے گی۔