گوجرہ(نامہ نگار)انٹر نیشنل ہاکی سٹیڈیم گوجرہ میںاستاد اسلم روڈا ہاکی اکیڈمی اور للیانی(سرگودھا) کے انڈر 15 بچوں کے درمیان نمائشی ہاکی میچ کھیلا گیا ۔ مہمان خصوصی ایف آئی ایچ ماسٹر کوچ پرائڈ آف پرفارمنس ورلڈ چیمپئن اولمپین محمد طاہر زمان تھے۔ انکے ہمراہ کوچ پنجاب اولمپین بابر عبداللہ،خاور جاید انٹر نیشنل اور دیگر بھی تھے۔طاہر زمان نے کہاکہ نوجوان نسل کوصحت مند رکھنے کیلئے سپورٹس سرگرمیوں کا فروغ بے حد ضروری ہے۔ آج کے ترقی یافتہ دورمیں تعلیم کے بغیر زندگی گزارنا مشکل ہے جس کیلئے ضروری ہے کہ نوجوان کھیل کیساتھ ساتھ اپنی تعلیم پر بھی خصوصی توجہ دیں تاکہ معاشرہ کا اچھا انسان بننے میں مدد مل سکے۔