بہاولپور (خبر نگار خصوصی) آل پاکستان ٹرائی ۱یتھلون مقابلوں کا بہاولپور میں انعقاد کیا گیا۔ آئی ایس پی آر کے مطابق ملک بھر میں 552  ایتھلیٹس نے مقابلوں میں حصہ لیا۔ پاک فوج، سول آرمڈ فورسز، طلبا اور پروفیشنلز شریک ہوئے۔ مقابلوں کا انعقاد 3 مراحل میں کیا گیا۔ تین سو میٹر سوئمنگ، 20 کلومیٹر سائیکلنگ اور 10 کلومیٹر پیدل دوڑ کے مقابلے ہوئے۔ مقابلوں میں اولمپئن شہباز سینئر، ارشد ندیم ، خواجہ جنید، کوہ پیماہ صائمہ بیگ اور باکسر ارشد چنگیزی نے خصوصی شرکت کی۔ کور کمانڈر نے پوزیشن حاصل کرنے والوں میں انعامات تقسیم کئے۔ سہیل عامر نے گولڈ میڈل حاصل کیا۔  بلال اور عامر عباس نے  بالترتیب  دوسری اور تیسری پوزیشن  حاصل کی  مقابلوں میں تمام علاقوں کی ثقافت کے رنگ بھی نمایاں تھے۔  پاکستان رینجرز نے رائفل ڈرل کا شاندار مظاہرہ بھی کیا