ڈکیتی کے دوران فائرنگ، ایک ڈاکو ساتھی کی فائرنگ سے ہلاک، دوسرا زخمی
فیروزوالہ (نامہ نگار) تھانہ فیکٹری ایریا کے علاقہ السعید چوک پھولوں والی مارکیٹ کے قریب ڈکیٹی کی واردات کے دوران ڈاکو اور شہریوں کے درمیان فائرنگ کے نتیجے میں ڈاکوؤں کی فائرنگ سے ان کے اپنے دو ساتھی شدید زخمی ہوگئے جن کو طبی امداد کیلئے ہسپتال لے جایا گیا، یہاں پر ایک ڈاکو قیصر ہلاک ہوگیا۔ ساتھی عمیر زخمی حالت میں زیر علاج ہے۔ پولیس فیکٹری ایریا نے نعش پوسٹ مارٹم کے بعد ورثا کے حوالے کر دی۔ مرنے والے ڈاکو کا تعلق کوٹ عبدالمالک سے بتایا گیا ہے۔ پولیس نے مفرور ڈاکوؤں کے خلاف مقدمہ درج کر لیا ہے۔
