قومی جونیئر ہاکی ٹیم کیلئے ٹرائلز 30اکتوبر کو کراچی میں ہونگے
لاہور (سپورٹس رپورٹر)قومی جونیئرعالمی ہاکی کپ میں شرکت کرنیوالی قومی جونیئر سکواڈ کی حتمی تشکیل کیلئے دوروزہ ٹرائلز30 اور31اکتوبر عبدالستارایدھی سٹیڈیم کراچی ہونگے۔ اولمپین منظور جونیئر کی قیادت میں قومی ہاکی سلیکشن کمیٹی دوروزہ ٹرائلز میں قومی جونیئر ہاکی تربیتی کیمپ میں شریک کھلاڑیوں کی پرفارمنس اور صلاحیتوں کا جائزہ لے گی اور قومی جونیئر ہاکی ٹیم کی تشکیل کرکے حتمی منظوری کیلئے صدر پاکستان ہاکی فیڈریشن برگیڈیئر ر خالد سجاد کھوکھر کو بھجوائے گی۔ سلیکشن کمیٹی میں اولمپین منظور جونیئر،(چیئرمین)، اولمپین کلیم اللہ، اولمپین ناصر علی، اولمپین ایاز محمود، اولمپین خالد حمید اور اولمپین وسیم فیروزشامل ہیں۔
