ڈھاکہ (نوائے وقت رپورٹ) بنگلادیش میں روہنگیا مہاجرین کے کیمپ پر حملے میں 7 افراد  جاں بحق ہوگئے۔ خبر ایجنسی اے ایف پی کے مطابق بنگلادیش میں جمعہ کے روز مسلح  افراد نے روہنگیا مہاجرین کے کیمپ پر فائرنگ کردی جس کے نتیجے میں ابتدائی طور پر 7 افراد  کے مرنے کی تصدیق ہوئی ہے جبکہ واقعے میں متعدد مہاجرین زخمی بھی ہوئے ہیں۔ پولیس کا کہنا ہے  کہ حملہ آور ایک سے زائد تھے جنہوں نے کچھ افراد پر فائرنگ کے ساتھ چاقو سے بھی حملہ کیا۔ خبرایجنسی کا بتانا ہے کہ اس سے قبل بھی جمعہ کے روز اسی جگہ روہنگیا مہاجرین کے کیمپ پر حملہ کیا گیا تھا جس میں 4 افراد  جاں بحق اور دیگر زخمی ہوئے تھے۔