نوشہرہ ورکاں (نمائندہ نوائے وقت) جمعیت اشاعت التوحید والسنہ کے زیر اہتمام جامع مسجد مدنی میں ربیع الاول کے سلسلے میں سیرت النبی کانفرنس ہوئی جس سے مولانا راشد محمود شاکر اور مولانا ہود الرحمن نے خطاب کرتے کہا کہ ہمیں سچا عاشق رسولؐبننے کے لئے اسوہ حسنہ پر مکمل عمل کرنا ہو گا یہی دنیا و آخرت میں کامیابی کی ضمانت ہے مگر ہم اپنے روزمرہ کے معمولات زندگی میں سنت کو چھوڑ کر اغیار کی رسم ورواج پر چل رہے ہیں ہمیں چاہیے کہ ہم قرآن پاک کو سمجھ کر پڑھیں اور اس پر من و عن عمل کریں آپؐ کے بڑے سے بڑے دشمن نے بھی آپ ؐکے اخلاق و کردار کی تعریف کی ہے قرآن مجید میں ارشاد ہوتا ہے آپؐ دونوں جہانوں کے لئے رحمت بنا کر بھیجے گئے آپؐ کا ذکر بلند کر دیا بے شک آپؐ کے  اخلاق عظیم ہیں۔