ساہیوال (نامہ نگار) ساہیوال نور شاہ روڈ پر تیز رفتار گاڑی کی ٹکر سے موٹر سائیکل سوار 2 سگے بھائی کچلے گئے۔  تفصیل کے مطابق دو سگے بھائی عثمان اور طاہر موٹر سائیکل پر اپنے گھر جا رہے تھے کہ نور شاہ روڈ پر ایک تیز رفتار دودھ کی گاڑی نے موٹر سائیکل سواروں کو کچل دیا جس کے نتیجہ میں دونوں نوجوان موقع پر جاں بحق ہو گئے۔  عینی شاہدوں نے بتایا کہ ڈرائیور انتہائی لا پرواہی اور تیز رفتاری سے گاڑی چلا رہا تھا۔ پولیس نے نامعلوم ڈرائیورکے خلاف مقدمہ درج کر لیا۔