گوجرانوالہ(نمائندہ خصوصی)سیرت مصطفی پر عمل کرکے ہی کامیابی حاصل کی جاسکتی ہے ،نظام مصطفی کے نفاذ کے لیے تمام مکتب فکر کے علمائے کرام کو اپنا کردار ادا کرنا ہوگا اور اسی نظام میں ہماری فلاح اور کامیابی ہے، ہمیں عہد کرنا چاہئے کہ ہم خاتم الانبیاؐ کی سیرت پر عمل کریں گے۔ آج پوری دنیا میں مسلمان ظلم وستم مسائل کا شکار ہیں جس کی سب سے بڑی وجہ حضورؐاکرم کی تعلیمات سے دوری ہے جب تک مسلمان اپنے دین پر عمل نہیں کریں گے تب تک کامیابی ممکن نہیںان خیالات کا اظہارعلامہ پیر حافظ خان محمد قادری آف لاہور نے جامعہ نعمانیہ رضویہ فیض العلوم کے زیر اہتمام جامع مسجد نعمان نعمانیہ روڈ میں ممتاز روحانی شخصیت مولانا مفتی پیر علامہ محمد عبداللہ قادری مردانوی کے 33واں سالانہ عرس مبارک کے موقع پر خطاب کرتے ہوئے کیا انہوں نے کہا کہ بزرگانِ دین،اولیا کاملین اور صوفیا عظام نے دین اسلام کی تبلیغ واشاعت کیلئے اس خطہ میں گرانقدر خدمات سرانجام دیتے ہوئے قابل داد کردار ادا کیا۔