شاہ سلمان کی کل نماز استسقا ادا کرنے کی اپیل
ریاض (اے پی پی) خادم الحرمین الشریفین شاہ سلمان بن عبدالعزیز آل سعود نے کل جمعرات کو ملک بھر میں نماز استسقا کی ادائیگی کی اپیل کی ہے۔ العربیہ ٹی وی کے مطابق شاہ سلمان بن عبدالعزیز کی طرف سے اپیل کی گئی سنت رسول صلی اللہ علیہ وسلم کو تازہ کیا جائے اور اللہ سے باران رحمت کے لیے دعائیں کی جائیں۔ توبہ واستغفار، ذکر اذکار، صدقات وخیرات، نوافل کا اہتمام، رجوع الی اللہ اور زیادہ سے زیادہ عبادت کی جائے تاکہ اللہ کی رحمت کے نزول کے دروازے کھل سکیں۔
