سندھ سے اغوا کی گئی 11 سالہ بچی شیخوپورہ سے بازیاب‘ بچوں کی حفاظت ہماری اولین ترجیح ہے:چیئرمین چائلڈپروٹیکشن
لاہور(لیڈی رپورٹر)چیئرپرسن چائلڈ پروٹیکشن بیورو سارہ احمد نے کہا ہے کہ بچوں کی حفاظت ہماری اولین ترجیح ہے ، بیورو نے اغواشدہ بچی کو غلط مقاصد کے لئے استعمال ہونے سے بچا لیا اور بچی کو اس کے والدین تک بحفاظت پہنچانے کی یقین دہانی کروا ئی ہے۔ شیخوپورہ سے بازیاب کروائی جانے والی 11 سالہ بچی سے ملاقات بھی کی۔ سندھ سے اغواء شدہ بچی کو چائلڈ پروٹیکشن بیورو نے بھکھی شیخوپورہ سے بازیاب کروایاہے۔ فوکل پرسن شیخوپورہ رانا خضر حیات نے مقامی پولیس کے ہمراہ اغواء شدہ بچی کو بازیاب کروایا۔ بچی کے والدین کو تلاش کرلیا گیا ہے اورضروری کارروائی کے بعد بازیاب شدہ بچی کو اس کے والدین کے حوالے کر دیا جائے گا۔
