اسلام آباد(خصوصی رپورٹر ) سپریم کورٹ بار انتخابات میں کامیاب امیدواروں کا نوٹیفکیشن جاری کردیا گیا۔ جس کے مطابق احسن بھون 1546 ووٹ لے کر صدر اور وسیم ممتاز ملک 1078 ووٹ لے کر سیکرٹری سپریم کورٹ با ر منتخب ہوئے۔ نوٹیفیکشن کے مطابق نائب صدر بلوچستان محمد قاسم خان 1366 ووٹ نائب صدر خیبر پختون خواہ سلیم اللہ خان 1196 ووٹ سے نائب صدر پنجاب ،خاور اکرام بھٹی 1031 ووٹ لیکر کامیاب ہوئے تاہم الیکشن کمشنر نے نائب صدر سندھ کے نتائج کو روکتے ہوئے لاہور پولنگ سٹیشن پر دوبارہ گنتی کا حکم دیدیا ہے۔ نوٹیفکیشن کے مطابق ایڈیشنل سیکرٹری ریاست علی گوندل 1241 ووٹ فنانس سیکرٹری شہناز اختر 1441 منتخب ہوئے۔ نوٹیفکیشن کے مطابق بلوچستان سے عبدالمالک بلوچ 1379 اور سید محمد طاہر 1235ووٹ خیبر پختون خواہ سے عابد علی 1436 اور فدا بہادر نے1335 ووٹ لئے۔ ملتان سے محمد عمیر محسن نے 1215،پنجاب سے محمد اختر رانا نے 1059 ووٹ لئے جبکہ پنجاب کے دوسرے ممبر کا نوٹیفکیشن دوبارہ گنتی کا عمل مکمل ہونے کے بعد جاری کیا جائے گا۔ سندھ سے جان علی جونیجو نے 1345اور سید ذوالفقار حیدر شاہ نے 1261ووٹ لئے۔