لاہور‘ راولپنڈی (سٹی رپورٹر+ نامہ نگار+ اپنے سٹاف رپورٹر سے) پنجاب حکومت نے ایڈیشنل آئی جی گریڈ 21 اور ڈی آئی جی گریڈ 20 عہدہ کے 20 اعلی افسران سمیت 27 پولیس افسروں کے تقرر و تبادلے کے احکامات جاری کر دئیے، تبدیل ہونے والوں میں سی سی پی او لاہورسمیت متعدد ریجنل پولیس افسران شامل ہیں۔ ایڈیشنل آئی جی انوسٹی گیشن برانچ پنجاب فیاض دیو کو تبدیل کر کے سی سی پی او لاہور یہاں پر تعینات غلام محمود ڈوگر کو تبدیل کر کے ایڈیشنل آئی جی لاجسٹک ایند پروکیورمنٹ، وہاں سے ایڈیشنل آئی جی لاجسٹک شاہد حنیف کو تبدیل کر کے ایڈیشنل آئی جی پنجاب ہائی وے پٹرول، ڈی آئی جی انویسٹی گیشن لاہور منیر احمد شیخ کو ایڈیشنل آئی جی انویسٹی گیشن کا اضافی چارج ، ڈی آئی جی انویسٹی گیشن لاہور شارق جمال کو تبدیل کر کے او ایس ڈی بنا دیا گیا ہے۔ انہیں ایس اینڈ جی اے ڈی میں رپورٹ کرنے کی ہدایت کی گئی ہے۔ ڈی آئی جی ہیڈکوارٹر پنجاب شہزادہ سلطان کو تبدیل کر کے ڈی آئی جی انویسٹیگیشن لاہور، ڈی آئی جی بہاولپور رینج زبیر دریشک کو تبدیل کر کے ڈی آئی جی ہیڈ کوارٹر پنجاب، ڈی آئی جی اسٹیبلشمنٹ شیر اکبر کو تبدیل کر کے آر پی او بہاولپور، ڈی آئی جی سپیشل برانچ مرزا فرحان بیگ کو تبدیل کر کے ڈی آئی جی اسٹیبلشمنٹ ون، تقرری کے منتظر ڈی آئی جی منیر احمد شیخ کو ڈی آئی جی وی وی آئی پی سکیورٹی سپیشل برانچ، ڈی آئی جی آپریشن لاہور کیپٹن (ر) محمد سہیل چوہدری کوتبدیل کر کے ڈی آئی جی ٹیکنیکل پروکیورمنٹ، سٹی پولیس آفیسر راولپنڈی محمد احسن یونس کو تبدیل کر کے ڈی آئی جی آپریشنز لاہور، اے آئی جی لاجسٹک اطہر اسماعیل امجدکو تبدیل کر کے سٹی پولیس آفیسر راولپنڈی، آر پی او ڈی جی خان کیپٹن (ر) محمد فیصل رانا کو تبدیل کر کے آرپی او سرگودھا، وہاں پر تعینات اشفاق احمد خان کو آر پی او راولپنڈی، راولپنڈی میں تعینات آرپی اوعمران احمرکو تبدیل کر کے آرپی او گوجرانوالہ، ڈی آئی جی آئی ٹی محمد وقاص نذیر کو تبدیل کر کے آرپی او ڈی جی خان، تقرری کے منتظر اقبال داڑا کو ڈی آئی جی انفارمیشن ٹیکنالوجی، تقرری کے منتظر قمرالزمان کو ڈی آئی جی ایڈ منسٹریشن جنوبی پنجاب اور تقرری کے منتظر رائو عبد الکریم کو ڈی آئی جی ڈپٹی کمانڈنٹ پنجاب کانسٹیبلری تعینات کیا گیا ہے۔ آئی جی پنجاب پولیس راؤ سردار علی خان نے ایس ایس پی آپریشنز لاہور اسماعیل الرحمنٰ کو تبدیل کر کے ڈی پی او میانوالی، ڈی پی او میانوالی کیپٹن ر یٹائرڈ مستنصر فیروز کو ایس ایس پی آپریشنز لاہور، پی ایس او ٹوآئی جی پنجاب محمد شعیب اشرف کو ڈی پی او قصور، ڈی پی او قصور عمران کشور کو ایس ایس پی انوسٹی گیشن لاہور، ایس ایس پی انوسٹی گیشن لاہور محمد منصور امان کو ڈی پی او ننکانہ صاحب، ایس پی پی ایچ پی سید ندیم عباس کو ڈی پی او خانیو ال جبکہ ڈی پی او خانیوال علی وسیم کو ڈی پی او ڈی جی خان تعینات کر دیا گیا ہے۔