دورہ نوشہرہ : میدان جنگ میں آرمرڈ کور فیصلہ کن بازو : آرمی چیف
اسلام آباد (خبرنگار خصوصی) آرمی چیف جنرل قمر جاوید باجوہ نے آرمرڈ کور رجمنٹل سنٹر نوشہرہ کا دورہ کیا۔ پاک فوج کے شعبہ تعلقات عامہ (آئی ایس پی آر) کے مطابق آرمی چیف نے شہداء کی یادگار پر پھول رکھے اور فاتحہ خوانی کی۔ آرمی چیف نے لیفٹیننٹ جنرل ندیم ذکی منج کو کرنل کمانڈنٹ بنانے کے بیج لگائے۔ آرمی چیف نے میدان جنگ میں آرمرڈ کور کے فیصلہ کن بازو ہونے کو سراہا۔ آرمی چیف جنرل قمر جاوید باجوہ نے ہر سطح پر کمانڈرز کو پیشہ ورانہ تربیت پر توجہ مرکوز کرنے پر زور دیا اور کہا کہ ٹیکنالوجی کے میدان میں جدت سے ہم آہنگی آرمرڈ کور کے لیے ضروری ہے۔
