لاہور (خاور عباس سندھو) پاکستان میں چین کے سفیر مسٹر نونگ رونگ نے پاکستان کرکٹ کی ٹی 20 ورلڈ کپ میں پرفارمنس پر تعریف کی ہے۔ انہوں نے ٹویٹ کیا کہ پاکستان کرکٹ ٹیم  کے لیے بہت احترام، اور گزشتہ دو ہفتوں میں خوشی اور اعتماد ملا۔  مسٹر نونگ رونگ نے کہ پاکستان ٹیم نے پورے ٹورنامنٹ میں ناقابل یقین حد تک اچھا کھیلا ہے۔  انہوں نے کہا کہ مستقبل میں پاکستان کرکٹ ٹیم کا میچ دیکھنے کا منتظر ہوں۔ یاد رہے پاکستان کرکٹ ٹیم سیمی فائنل میں آسٹریلیا سے اعصاب شکن مقابلے کے بعد ہار گئی لیکن اس سے قبل پاکستان کرکٹ ٹیم نے پول بی میں بھارت اور نیوزی لینڈ سمیت گروپ کی تمام ٹیموں کو شکست دی جس پر پاکستان کرکٹ ٹیم کی کارکردگی کو خوب سراہا گیا۔