لاہور(سپورٹس رپورٹر)نیوزی لینڈ کی ٹیم پاکستان آنے پر تیار ہو گئی، کیوی ٹیم دورہ پاکستان میں ٹیسٹ اور ون ڈے میچز کھیلے گی۔نیوزی لینڈ کرکٹ ٹیم آئندہ سال پاکستان کا دورہ کرے گی جس کے دوران 2 ٹیسٹ اور آئی سی سی سپرلیگ کے 3ون ڈے میچز کھیلے جائیں گے۔ٹیسٹ اور ون ڈے آئی سی سی کے فیوچر ٹور پروگرام کاحصہ ہوں گے۔پاکستان کرکٹ بورڈ اور نیوزی لینڈ بورڈ میں منسوخ میچز کی بحالی کیلئے بھی رابطے جاری ہیں۔ نیوزی لینڈ کی جانب سے منسوخ کی گئی سیریز 23-2022میں ہوسکتی ہے۔8اکتوبر کو نیوزی لینڈ کرکٹ بورڈ نے دورہ ری شیڈول کرنے کیلئے پاکستان کرکٹ بورڈکے چیئرمین رمیز راجہ سے رابطہ کیا تھا۔