لاہور (نامہ نگار) پیپلز پارٹی وسطی پنجاب کے صدر راجہ پرویز اشرف اور سیکرٹری اطلاعات شہزاد سعید چیمہ نے ٹاؤن شپ میں ایک تقریب میں شرکت کی۔ تقریب میں اسلم گل، ذوالفقار علی بدر، اسرار بٹ، ثمینہ پگانوالہ، فیصل میر، افنان بٹ، علامہ یوسف اعوان، ڈاکٹر احسن، شمشیر مرزا، خرم فاروق، صداقت شیروانی اور دیگر رہنما شریک تھے۔ تقریب میں پی ٹی آئی کے متعدد کارکنوں نے پیپلز پارٹی میں شمولیت کا اعلان کیا۔ پیپلز پارٹی میں شمولیت اختیار کرنے والوں کو راجہ پرویز اشرف اور اسلم گل نے پارٹی پرچم پہنائے۔ راجہ پرویز اشرف نے کہا کہ حکمرانوں سے جان چھڑانے کا طریقہ انہیں ووٹ دینے سے انکار ہے۔ 5دسمبر کے روز اپنے مستقبل کا سوچ سمجھ کے فیصلہ کریں۔ یقین ہے کہ نوجوان حرکت میں آتے ہیں تو پانسہ پلٹ جاتا ہے۔ حکومت کے دن گنے جا چکے ہیں۔ آج گئی یا کل۔ اسلم گل نے کہا کہ کاغذی شیر عوام کو چھوڑ کر لندن بھاگ گئے۔ میں اس بھٹو کا نمائندہ ہوں جس نے پھانسی لے لی، مگر ایٹم بم قوم کو دے گیا۔ علاوہ ازیں رہنماؤں نے ڈاکٹر جہانگیر بدر کی پانچویں برسی کے موقع پر قرآن خوانی اور دعا کی خصوصی تقریب میں شرکت کی۔