قصور‘ فیروزوالا‘ کمالیہ (نمائندہ نوائے وقت + نامہ نگاران) فیروزوالا تھانہ فیکٹری ایریا کے علاقے میں استاد نے بارہ سالہ طالب علم سے زیادتی کر ڈالی۔ دینی درسگاہ کے استاد قاری ارشد کے خلاف فیکٹری ایریا پولیس نے مقدمہ درج کر لیا۔ جی ٹی روڈ کی آبادی ٹبہ کوٹ میں شہباز نے دو ساتھیوں کی مدد سے محنت کش کی پندرہ سالہ بیٹی کے ساتھ زبردستی زیادتی کر ڈالی۔ پولیس نے واقعہ کا مقدمہ درج کر لیا۔ کمالیہ سے نامہ نگار کے مطابق نواحی گاؤں موضع کھوکھراں کی رہائشی 80 سالہ خاتون کو ملزم بلا نے گھر میں گھس کر زیادتی کا نشانہ بنایا تھا۔ ملزم کو تھانہ صدر پولیس کمالیہ نے گرفتار کر لیا ہے۔ قصور سے نمائندہ نوائے وقت کے مطابق گولا گڑی کی رہائشی نے مقدمہ درج کروایا ہے کہ میں گھر میں اکیلی تھی ملزم انور نے زبردستی زیادتی کی ہے۔ پولیس تھانہ صدر پتوکی مصروف کاروائی ہے جبکہ جمبر خورد کے رہائشی نے مقدمہ درج کروایا ہے کہ میرا تیرہ،چودہ سالہ بیٹا گھر کے پاس کھیل رہا تھاکہ ملزمان شعیب و دو نامعلوم افراد نے اسے زیادتی کا نشانہ بنا دیا ہے۔ پولیس تھانہ صدر پھولنگر مصروف کارروائی ہے۔