لاہور( سپورٹس رپورٹر) پاکستان کرکٹ بورڈ نے بنگلا دیش کیخلاف ٹیسٹ سیریز کیلئے قومی ٹیسٹ سکواڈ کا اعلان کردیاگیا۔20 رکنی سکواڈ کی قیادت بابر اعظم کریں گے اور محمد رضوان نائب کپتان ہوں گے۔امام الحق، بلال آصف اور کامران غلام کی قومی ٹیسٹ سکواڈ میں واپسی ہوئی ہے جبکہ عمران بٹ، شاہنواز دھانی، حارث رؤف اور یاسر شاہ سکواڈ میں شامل نہیں۔عبداللہ شفیق، عابد علی، اظہر علی، فہیم اشرف، فواد عالم، حسن علی، محمد عباس اور محمد نواز بھی سکواڈ کا حصہ ہیں۔نسیم شاہ، نعمان علی، ساجد خان، سرفراز احمد، سعود شکیل ، شاہین شاہ آفریدی اور زاہد محمودسکواڈ میں شامل ہیں۔چیف سلیکٹر محمد وسیم کا کہنا ہے کہ ہم نے ٹیم انتظامیہ سے مشاورت اور حریف ٹیم کے ممکنہ اسکواڈ اور کنڈیشنز کو مدنظر رکھتے ہوئے سکواڈ کا انتخاب کیا ہے۔